C'est Héliogabal, empereur des Romains,
Ne se contenta pas de la mère nature,
Qui donne le tetin à toute créature ;
Mais exposa son corps aux barbiers inhumains,

Afin d'estre eschangé, par l'œuvre de leurs mains,
En sexe féminin. Ainsi, par la frisure
Des crins blonds et dorés, par le fard et teinture,
Luy veulent ressembler, nos damoyseaux mondains

Qui portent les habits des folles damoyselles,
Et partant servira, et pour eux, et pour elles,
Ce discours que j'ay fait, puisqu'on ne congnoist plus

Que gens effeminés, en cette pauvre France,
Qui jadis florissoit, ornée de prudence
Et non point de godron, et cheveux crespelus.

F. ESTIENNE, M.