Retraict de grand commodité,
Soit aux champs ou en la Cité,
Retraict auquel personne n'entre
Si ce n'est pour purger son ventre,
Retraict de grande dignité,
Ou le Cul sied en majesté,
Retraict qu'on n'ause descouvrir,
Ny le dessus du siege ouvrir
De peur (affin que je ne mente)
Que le fort perfun ne s'esvente.
Retraict ou l'on se mect à laise,
Il vault bien mieulx que je me taise,
Qu'empuentir de tes senteurs
Les Lecteurs & les auditeurs.